ഹാപ്പി ബെർത്ത്‌ഡേ

ഇന്ന് എന്റെ ജന്മദിനം ആണ്. 

ഒരു പരീക്ഷണം നടത്തി സ്വയം നിരാശയിൽ വീണു പോയ ദിനം. 

ഞാൻ കരുതി എല്ലാവർക്കും എന്നെ ഇഷ്ടം ആണെന്നു. 

എന്നോടുള്ള കരുതൽ അവർക്ക് ഏറെ ഉണ്ടെന്ന്. 

അവർ എല്ലാ ജന്മദിനത്തിൽ എനിക്ക് ആശംസകൾ നേർന്നു.. 

എനിക്ക് ജോലി കിട്ടിയപ്പോൾ അവർ പറഞ്ഞു , congർats da.. 

ഞാൻ പുതിയ ബൈക്ക് വാങ്ങിയപ്പോൾ അവർ പറഞ്ഞു കലക്കി bro.. 

എനിക്ക് പനി ആണ് എന്നറിഞ്ഞപ്പോൾ അവർ കണ്ണുനീർ പൊഴിച്ചു-ആശങ്കപ്പെട്ടു.
എന്‍റെ പുതിയ നീല ഷർട്ട് നല്ലതാണെന്നു അവർ പറഞ്ഞു. 

വീട്ടിൽ ഉണ്ടാക്കിയ ഓണപ്പായാസം കണ്ട് അവർ കൊതി പൂണ്ടു.
എല്ലാം ഫേസ്ബുക്കിലൂടെ..
അതിന് എന്താ..?
"Social network is the reflection of society" എന്നല്ലേ.
ഇന്നലെ ഞാൻ പരീക്ഷണം ആരംഭിച്ച.
എന്‍റെ ജന്മദിനം മൂടി വെച്ചു.
എല്ലാവരും ഓർക്കുമെന്നു എനിക്ക് അറിയാമായിരുന്നു.
എങ്കിലും ഓർക്കാത്ത ഒന്നു രണ്ടു പേരേ തിരിച്ചറിയാമല്ലോ.
ഞാൻ കാത്തിരുന്നു.
പാതിരാത്രിയായി..
നേരം വെളുത്തു.. 

നട്ടുച്ചയായി.. 

വൈകുന്നേരം ആയി.. 

വീണ്ടും രാത്രിയായി.. 

ആരും ഓർത്തില്ല.. 

ആരേയും കണ്ടില്ല.. 

ആരും മിണ്ടിയില്ല.. 

ഒടുവിൽ മറച്ചു വെച്ച ജന്മദിനം തുറന്നു കാട്ടി,
ആശംസകൾ ഇരന്നു വാങ്ങി ഞാൻ കിടന്നുറങ്ങി.. 

Arvin (18-02-2016)