സുബര്‍ക്കത്തിലെ കുഞ്ഞാടുകള്‍

"   മൃഗങ്ങൾ മരിച്ചാൽ സ്വർഗത്തിൽ പോകുമോ ????   "

കുറച്ച്‌ നാളുകളായി ഈ ഒരു സംശയം എന്നെ വേട്ടയാടുന്നു.തെറ്റ് ചെയ്യാത്തവരും നിഷ്കളങ്കരുമായി ഉള്ളവർ സ്വർഗത്തിലും , അല്ലാത്തവർ  നരകത്തിലും പൊകുമെന്നാാണല്ലോ നമ്മൾ എല്ലാവരും കേട്ടിട്ടുള്ളത് . കൊച്ചു കൊച്ചു തെറ്റുകള്ക്ക് പോലും നരകങ്ങൾ ഉള്ള ഹിന്ദുമതത്തിൽ പെട്ട ആൾ ആയത്കൊണ്ട് ഞാൻ ചിലപ്പോൾ നുണ പറഞ്ഞതിന്റെയും കുശുമ്പ് കാണിച്ചതിന്റെയും ഭിക്ഷക്കാരനു പൈസ കൊടുക്കാതതിന്റെയും പേരില് നരകത്തിൽ പോയേക്കാം. അതേ സമയം ടീ പാപകർമങ്ങൾ ചെയ്ത എന്റെ നല്ല ഒന്നാന്തരം പാലാക്കാരന്‍ നസ്രാണി സുഹൃത്ത് കുംബസാരിച്ചും പശ്ചാതപിച്ചും അവരുടെ സ്വർഗത്തിൽ ചെല്ലുന്നതുമാണ് .
കാര്യങ്ങൾ ഇങ്ങനെ ഒക്കെ ആണെങ്കിലും രണ്ടു കൂട്ടരുടേയും നരകത്തിൽ പുഴുക്കൾ ഉള്ളതായി കേട്ടിട്ടുണ്ട്. ഒരു തെറ്റും ചെയ്യാത്ത  ,,നിരുപദ്രവകാരികളായ ( ചൊറിയൻ പുഴു ഒഴികെ ) ഈ പിഞ്ചു പ്രാണികൾ എങ്ങനെ നരകത്തിൽ എത്തി എന്ന് എനിക്കിപോളും മനസ്സിലായിട്ടില്ല.
ഇനി സ്വര്ഗത്തിലെ കാര്യമെടുത്താൽ അവിടെ എങ്ങും ഒരു ജീവി ഉള്ളതായി കേട്ടിട്ടുമില്ല . മനുഷ്യരെപോലെ പിടിച്ചു പാറി നടത്താത്ത ,അഴിമതി കാണിക്കാത്ത ,കൊലപാതകം ചെയ്യാത്ത ,വന സമ്പത്ത് നശിപ്പിക്കാത്ത , ബലാത്സംഗം ചെയ്യാത്ത ഈ ജീവികളൊക്കെയും സ്വർഗവാതിൽ കടക്കേണ്ടതല്ലേ .

പാപങ്ങൾ ഒഴുക്കി കളയാൻ ഗംഗയും . പശ്ചാത്തപിക്കാൻ കുംബസാരക്കൂടും ഉള്ളിടത്തോളം ഞാനും നീയും ഉള്പ്പെടുന്ന മനുഷ്യകുലം പാപങ്ങൾ ചെയ്യുക തന്നെ ചെയ്യും. അപ്പോഴും പറുദീസയിൽ മൃഗങ്ങള്ക്ക് അയിത്തം ആയിരിക്കും. കാരണം അവർ കുംബസാരിക്കാറില്ലല്ലോ... മല ചവിട്ടാറില്ലല്ലോ ..

Popular Posts

വീട്ടിലേക്കുള്ള വഴി

ഇടവപ്പെയ്ത്ത്

സ്വപ്നദര്‍ശി