Posts

Showing posts from 2015

അവിരാമം

Image

ചുവന്ന പനിനീര്‍പ്പൂവിന്‍റെ കഥ

Image
കുമാരി ടീച്ചര്‍ കടന്നുവന്നതും UKG A ക്ലാസ്സ് നിശബ്ദമായി. വാക്കു പറഞ്ഞിരുന്നത് പോലെ ടീച്ചര്‍ കഥ പറഞ്ഞു തുടങ്ങി.

"പണ്ട് പണ്ട് ഒരിടത്തൊരിടത്ത് ഒരു രാജകൊട്ടാരത്തില്‍ വലിയ പൂന്തോട്ടം ഉണ്ടായിരുന്നു. ആ പൂന്തോട്ടത്തില്‍ ഒത്തിരി പൂക്കള്‍ ഉണ്ടായിരുന്നു. പിച്ചി , ചെമ്പകം ,ചെമ്പരത്തി ,സൂര്യകാന്തി ,മുല്ല ,ജമന്തി  അങ്ങനെ അങ്ങനെ ഒത്തിരി പൂക്കള്‍. പൂച്ചെടികള്‍ക്ക് ഇടയില്‍ പൂന്തോട്ടത്തിനു നടുവില്‍ ഒരു വലിയ പൊയ്ക, കുളം, ഉണ്ടായിരുന്നു. നിറയെ ആമ്പല്‍ പൂക്കള്‍ വിരിഞ്ഞിരുന്ന ആ കുളത്തിന്‍റെ നടുക്ക് ഒരു ചെറിയ തുരുത്തില്‍ ഒരു പനിനീര്‍ ചെടി വളര്‍ന്നിരുന്നു.അതില്‍ ഒരിക്കലും വാടാത്ത ഒരു വെളുത്ത പനിനീര്‍പ്പൂവും "

"അതെന്താ ടീച്ചര്‍ പനീര്‍ച്ചെടി  ?"

"പനീര്‍ച്ചെടി അല്ല പനിനീര്‍ച്ചെടി..! റോസാച്ചെടിയെ ആണ് പനിനീര്‍ച്ചെടി എന്ന് വിളിക്കുന്നത്. രോസപ്പൂവിന് പനിനീര്‍ പൂവെന്നും പേരുണ്ട് മോളൂ...

വെളുത്ത നിറമുള്ള ഒരേ ഒരു പനിനീര്‍പ്പൂവുമായി ആ ചെടി പൊയ്കയുടെ നടുക്ക് തല ഉയര്‍ത്തി നില്‍ക്കുന്നത് കാണാന്‍ നല്ല ചന്തം ആയിരുന്നു. നിറയെ പൂക്കളും പൂമ്പാറ്റകളും വണ്ടുകളും പക്ഷികളും ഉണ്ടായിരുന്ന ആ പൂന്തോട്ടം സ്വര്‍ഗം പോ…

ശ്രീ പാര്‍വതിയുടെ പാദം

Image
കാര്‍മേഘം  ചിന്തകളെ മൂടുന്ന ദിവസങ്ങളില്‍ അവന്‍ ആ കല്‍പ്പടവുകളില്‍  ചെന്നിരിക്കാറുണ്ട്..
ശ്രീ പാര്‍വതിയുടെ ക്ഷേത്രക്കുളത്തിന്റെ പടവുകളില്‍ നിന്നും പായലിന്റെ മണമുള്ള വെള്ളത്തിലേക്ക് ചാടി ഊളിയിടുന്ന മാക്രികള്‍.
ഒരു മാന്ത്രികനെ പോലെ ജലപ്പരപ്പിലൂടെ നടക്കുന്ന ചെറു പ്രാണികള്‍.
കാലൊന്നു വെള്ളത്തിലേക്ക് ഇറക്കുമ്പോള്‍ പാദത്തില്‍ മുട്ടി ഉരുമ്മി തെന്നി നീങ്ങുന്ന ചെറു മീനുകള്‍..
എല്ലാം വിഭ്രാന്തിയിലാണ്ട് പോയ മനസ്സിന്‍റെ കല്‍പ്പനകള്‍. 
നാഗരികതയുടെ യന്ത്ര സമാനമായ ജീവിതത്തില്‍ എവിടെയാണ് പച്ചപ്പ്‌? 
എവിടെയാണ് കുളങ്ങള്‍ കല്‍പ്പടവുകള്‍?
എല്ലാം ഭാവനയുടെ കാന്‍വാസില്‍ കോറിയിട്ട ചിത്രങ്ങള്‍.
ആ ദിവസങ്ങളില്‍ ഒന്നില്‍ അവന്‍ ആമ്പല്‍കുളത്തിന്‍റെ തെക്കേ ഓരത്ത്‌ ആരാലും ശ്രദ്ധിക്കാതെ ഒരു കാട്ടുപൂവ് നില്‍ക്കുന്നത് കണ്ടു.
ആമ്പലിന്‍റെ വാസന ഇല്ലായിരുന്നു അതിനു !
താമരയുടെ ഭംഗിയും !
എങ്കിലും മനോഹരമായിരുന്നു..!
ദിനരാത്രങ്ങള്‍ കഴിഞ്ഞു പോയെങ്കിലും ആ പടവുകളില്‍ തന്നെ അവന്‍ ഇരുന്നു.
ശ്രീ പാര്‍വതിയുടെ പാദം* പോലെ ലാളിത്യം നിറഞ്ഞ, ഹൃദയഹാരിയായ ആ പൂവ് അവനെ നോക്കി വാടാതെ, ഇതളുകള്‍ പൊഴിക്കാതെ,കൊഴിഞ്ഞു വീഴാതെ അവനൊപ്പം യുഗാന്തരങ്ങള്‍ കഴിച്ചു..
അവരു…

ശിശു

Image
നീ നറും പൈമ്പാല്‍-
ചൊരിയും നിലാവല
വാനിന്നഗാധത,
ഭൂവിന്‍ വിശാലത,
പൂവിന്‍റെ സൗരഭ്യമേറും കുളിരല.
നീയീ ചെറുവീടിരുട്ടിലും-
കാക്കുന്ന ദീപം,
പ്രതീക്ഷയുണര്‍ത്തും വിശുദ്ധത.
തായമാര്‍ക്കുള്‍ക്കുളിര്‍,
ജന്മ നാടിന്‍ ഭാഗ്യം.
നീയീ പ്രകൃതിയും ശക്തിയും-
ചേര്‍ന്നുളവായ ജഗത്തിന്‍റെ-
സൗന്ദര്യ സാരസ്വം.

ഓണം ഒരു ഓര്‍മ

Image
മഞ്ഞച്ചേമന്തി സ്വര്‍ണമുക്കുറ്റി വെള്ളമന്താരം തുമ്പപ്പൂ 
തൃത്താപ്പൂവും അരിപ്പൂവും പിന്നെ ചെങ്കദളിപ്പൂ ചെത്തിപ്പൂ.
പേരറിയാത്തൊരായിരം പൂക്കള്‍ വേറെയുണ്ട് തൊടികളില്‍, 
കൂടകളില്‍ നിറയ്ക്കുവാനായി കുട്ടികളൊത്തു കൂടുമ്പോള്‍.

ചേലില്‍ച്ചെത്തി മെഴുകിയ നടുമുറ്റത്തെ പൂക്കളങ്ങളില്‍
പൂക്കളോരോന്നും വൃത്തമൊപ്പിച്ചു ചേര്‍ക്കുന്നു മണിമങ്കമാര്‍.
ചാരെയാടി തിമിര്‍ക്കുമാരോമല്‍ പൈതങ്ങള്‍ കൂട്ടരൊന്നിച്ച്-  
കൂടുന്നു കളിയാടുവാന്‍, തുമ്പി തുള്ളുവാന്‍, മലര്‍മുറ്റത്ത്.

കര്‍ക്കിടക കരിങ്കോളു മാറി , പൊന്‍വെയില്‍ ചൊരിഞ്ഞാദിത്യന്‍
നേരുന്നു നന്മ മാലോകര്‍ക്കെല്ലാം ഓണത്തെ കാത്തിരിക്കുമ്പോള്‍.
ഓരോ മുറ്റത്തുമുണ്ടൊരു ചെറു വാഴയെങ്കിലും സ്വന്തമായ്
ഓണസദ്യയൊരുക്കുവാന്‍ പല കായ്കനികള്‍ തൊടികളില്‍.

പാകമായവ പങ്കു വയ്ക്കുന്നു പാവങ്ങള്‍ക്കയല്‍ വീട്ടുകാര്‍
പാട്ട് പാടലും പന്തടിക്കലും ഒത്തുകൂടലിന്‍ മേളങ്ങള്‍.

ഓണമെത്തുമ്പോളോര്‍മയില്‍ ഒന്നും മായാതെ തെളിഞ്ഞെത്തുന്നു
പോയ നാളിലെ ഓണനാളുകള്‍, നാട് നീങ്ങിയ നന്മകള്‍ !   
                       ** * **
ഇന്നു നാം കാണുമോണനാളുകള്‍ , കാപട്യത്തിന്‍ വിപണികള്‍
കത്തിക്കേറും വിലക്കയറ്റത്തില്‍ മുങ്ങി നില്‍ക്കുന്ന മേളകള്‍.

ഓണ…

പുണ്യം

Image
ജീപ്പിലേക്ക് കയറാന്‍ നേരം മുതലാളി ഒരിക്കല്‍ കൂടി ഫോണ്‍ എടുത്ത് വിളിച്ചു. മഞ്ഞു പുതച്ചു കിടക്കുന്ന താഴ്‌വാരത്തേക്ക് നോക്കി മറുതലക്കല്‍ നിന്നുമുള്ള മറുപടിക്കായി അക്ഷമനായി കാത്തു നിന്നു.

"മൊതലാളീ...കുരിശ് പള്ളീടെ അവിടെത്തി.ഞാന്‍ ഇപ്പൊ എത്തും." കിതച്ച് കിതച്ച് ശ്വാസം കിട്ടാതെ വരുമ്പോഴും അയാള്‍ എങ്ങനെയോ പറഞ്ഞൊപ്പിച്ചു. ഒരഞ്ചു മിനിറ്റിനുള്ളില്‍ തന്നെ ആ വയോധികന്‍ മുതലാളിയുടെ ബംഗ്ലാവിനു മുന്നില്‍ എത്തി.

താമസിച്ചതിലുള്ള നീരസം കാണിക്കാതിരിക്കാന്‍ മുതലാളി ശ്രമിച്ചില്ല. എന്തിനു മറച്ചു വെക്കണം. ആഴ്ച്ച തോറും പണം എണ്ണി വാങ്ങുമ്പോള്‍ ഈ കിതപ്പും പരവേശവും ഒന്നുമില്ലല്ലോ. ഒക്കെ ഇവറ്റകളുടെ അഭിനയം അല്ലെ. പണി എട്ക്കാണ്ട് തിന്നാന്‍ ഉള്ള അടവുകള്‍. അതും പോരാഞ്ഞ് കഞ്ഞീടെ വെള്ളം കൊടുതവര്‍ക്കിട്ടു തന്നെ കൈ പോക്കുന്ന വര്‍ഗം.

"ഞാന്‍ നാട്ടില്‍ പോകുവാണ്, നീ ഇന്ന് ഇവിടെ ഉണ്ടാവണം.. രാത്രി ഇഞ്ചിക്ക് കാവലിരിക്കാന്‍ വര്‍ഗീസ്‌ ഉണ്ടാവില്ല, അവനെന്‍റെ കൂടെ വരുവാ.."

മുതലാളിയുടെ ഇടവക പെരുന്നാളാണ് . വര്‍ഷങ്ങള്‍ ആയി ഹൈറേഞ്ചില്‍ ആണെങ്കിലും, ഒരിക്കല്‍ പോലും പെരുന്നാള് മുടക്കാറില്ല മുതലാളി.ഇത്തവണത്തെ പെരുന്നാള് മുതല…

അവസ്ഥാന്തരം

Image
"നീയിപ്പോ എന്തെടുക്കുവാ..? പഠിത്തം ഒക്കെ കഴിഞ്ഞില്ലേ " "ഞാന്‍ ഇവിടെ അടുത്ത് ഒരു IT കമ്പനിയിലാ" "അത് ശരി.... ഏത് കമ്പനിയാ? എന്റെ മോള്‍ടെ ചെക്കനും അങ്ങനെ ഏതാണ്ട് ഒരു കമ്പനീലാ" "ഇത് ഇവിടെ അടുത്തുള്ള ഒരു ചെറിയ കമ്പനിയാ" "എവിടെ ഇവടെയോ!!!​ ഇവടെ കമ്പനി ഒക്കെ ഉണ്ടോ!!?​അപ്പൊ വല്യ കിട്ടപ്പോരോന്നും ഉണ്ടാവില്ലല്ലേ.. എന്റെ പെണ്ണിന്റെ ചെക്കന്‍ ടെക്നോ പാര്‍ക്കിലാ. ടീസസ് എന്നോ മറ്റോ ആണ്കമ്പനീടെപേര്​.മാ​സം പത്ത് നാപ്പത് രൂപ യൊക്കെ കിട്ടും" "ടീസസ് അ​യിരിക്കി​ല്ല ചേട്ടാ TCS​ആകും, എനിക്കിറങ്ങാന്‍ നേരായി ഞാന്‍ അച്ഛന്റെ കയ്യില്‍ കൊടുക്കാം" ഫോണ്‍ അച്ഛന്റെ കയ്യില്‍ കൊടുക്കൊമ്പോള്‍ വല്ലാതെ ദേഷ്യം വരുന്നുണ്ടായിരുന്നു. പല തവണ അച്ഛനോട് പറഞ്ഞിട്ടുള്ളതാ​ണ്​ ഇങ്ങനെ കല്യാണം വിളിക്കാനും ജോലി കിട്ടിയത് പറയാനും ഒക്കെ വിളിക്കുന്നവരുടെ ഫോണ്‍ എനിക്ക് തരരുത് എന്ന്. മടുത്തു, കുത്തി കുത്തി ഉള്ള സംസാരം കേട്ട്. എഞ്ചിനിയറിംഗ് പഠിക്കാന്‍ തുടങ്ങിയപ്പോ​ൾ​​മുതൽ കേട്ട് തുടങ്ങിയതാ.കോളേജില്‍ കമ്പനി ഒന്നും വരുന്നില്ലേ​,ജോലി ആയില്ലേ എന്നൊക്കെ. അവസാന വര്ഷം ആയപ്പോളേക്കും വീട്ടിലേക്ക് ഫോ…